|
Cartas ao Director
CARTA ABERTA A PABLO
VAAMONDE
María
Teresa Castro Villaverde,
Vimianzo.
Martes 29 de xaneiro de
2008
 Estou
estupefacta ante a
actitude de Pablo
Vaamonde no artigo do
Venres 25 de Xaneiro na
Voz de Galicia.
Preséntase este señor
como médico de cabeceira
moi contento coa súa
situación laboral, pero
esquece dicir que ate
fai moi pouco tiña un
cargo de
responsabilidade
política na consellería
de Sanidade. Será por
esa razón que todo lle
parece estupendo no
estado da sanidade
galega? Dubido que unha
persoa supostamente tan
coñecedora do estado da
Atención Primaria
confunda algunha opinión
airada, froito do
apaixonamento, coas
decisións tomadas pola
Coordinadora de Atención
Primaria.
O
que si defendo, neste ou
en calquera outro foro,
é que hai accións de
presión que o persoal
sanitario de Urxencias
Extrahospitalarías imos
levar ate o final por
dignidade persoal e
profesional. Dende fai
máis de tres meses tras
colaborar de forma moi
importante con unha
empresa que ten moi
pouca memoria (SERGAS),
solicitamos se cumpriran
os compromisos
adquiridos previamente
con nos, e, ¡sorpresa!,
a mellora laboral
consiste en unha
extensión da nosa
xornada en máis de 300
horas.A cambio de tan
intensa actividade
recoñecen que dentro de
catro anos, temos
dereito a cobrar un
complemento por
traballar de noite e en
festivos, e ademais esas
horas que traballemos a
maiores tamén nolas van
a pagar ¡Qué dispendio!
¡Qué xestores!
Non
sei de onde saca o dato
de que os médicos que
realizan gardas poden
superar amplamente os
4000€ netos mensuais.
Pódolle asegurar que non
está a falar de os de
Urxencias
Extrahospitalarias.
Levamos anos prolongando
xornada, organizando o
traballo de Urxencias,
aceptando gardas fora de
calendario cando foi
necesario, colaborando
coa administración para
que isto funcione…
Levamos meses
solicitando un horario e
uns complementos aos que
temos dereito fai tempo,
concentrándonos
pacificamente para
mostrar o noso malestar,
pechándonos nas
Xerencias de Atención
Primaria para reclamar o
que consideramos noso,
incluso comprometéndonos
a ampliar a nosa xornada
para evitar a creba do
sistema. En ningún
momento en todo este
tempo faltamos ao noso
traballo, cumprindo
escrupulosamente,
incluso cando de forma
que consideramos
abusiva, se nos obrigou
a ampliar a nosa
xornada.
Por
todo o anterior, señor
Vaamonde se quere saber
porque é unha cuestión
de dignidade, acuda as
nosas asembleas nas que
aceptaremos de bo grao
calquera suxerencia,
para que os responsables
de esta situación non
provoquen que os médicos
galegos sigan a emigrar
cinco lustros despois.
María Teresa Castro
Villaverde, Vimianzo
|
