O Réxime Transitorio de Carreira Profesional dos
facultativos xa está en marcha na Galiza, e o Grao I vai
ser recoñecido para a práctica totalidade dos que o
solicitaron. Agora, é necesario iniciar o debate e,
tamén, a negociación sobre o Réxime Definitivo de CP.
Esta negociación é urxente porque cómpre, con
tempo, preparar e validar as medicións necesarias para o
cambio de grao e, tamén, porque os profesionais temos o
dereito de coñecer, con anticipación, as variables que
van definir as avaliacións que se usarán para a entrada
e a suba de grao na CP definitiva. Esto evitará que se
repita o que ocurríu co Réxime Transitorio, no que a
administración forzou o uso dunha determinada porcentaxe
de Complemento de Productividade Variable (CPV) para o
recoñecemento dos diferentes graos de Carreira, e
ninguén fora informado nos anos anteriores de que o CPV
sería o que decidiría se entraban na Carreira ou non.
De cara ao Réxime Definitivo hai que dicir que non
todo o mundo ten o mesmo concepto do que deba ser a
Carreira. Así, as administracións sanitarias tiran forte
da corda para implantar modelos vinculados de forma
significativa ao cumprimento de obxectivos e á
implicación na xestión, ou sexa, parece que queren
convertela nunha nova versión de CPV.
A Agrupación
Médica de CIG-Saúde (AgM-CIG), no
documento
"Modelo
de Carreira
Profesional do Persoal Facultativo"
(de outubro de 2004), tense manifestado no sentido de
considerar que o progreso na CP debe estar vinculado ao
esforzo pola actualización de coñecementos e a súa
repercusión na mellora da práctica clínica diaria. Como
consecuencia, defendemos que a
Avaliación do
Desempeño Profesional,
debe ser
o Factor de Avaliación
con maior peso
para a
entrada e
suba de nivel na CP (ver a Táboa de
"Esquema
de Factores de Avaliación"
do documento citado).
Sen embargo, somos
plenamente conscientes de que a Avaliación do Desempeño,
ou Competencia, dun profesional no seu traballo cotián,
non é doada de obxectivar e
medir. Nesta páxina web
pretendemos aportar algunha documentación, que coidamos
de interese, para facilitar o debate sobre este tema.
Esta documentación céntrase en dous procedementos de
avaliación da competencia, non necesariamente
excluíntes, e sobre as que xa existe certa experiencia:
•
Hai
probas experimentadas como a ECOE (Evaluación Clínica
Obxectiva Estructurada) que permiten facer unha
avaliación da competencia nun momento determinado das
dimensións que mida a proba. É, quizáis, o método de
avaliación que máis se aproxima á medición da práctica
clínica, do traballo diario.
•
Os
defensoros do denominado PORTFOLIO consideran que
este é un instrumento para a avaliación que proporciona
unha visión multidimensional de cómo traballa
diariamente o profesional, permitindo avaliar os
progresos non tempo e o esforzo pola actualización, algo
que non aportan as probas ECOE.
