Algunhas propostas da AGM diante do problema da falta de médicos substitutos en A.P. este nadal, na área de Vigo
O
pasado venres día 5/12/2003,
houbo unha xuntanza na Xerencia de A.P.
de Vigo sobre as substitucións deste Nadal. O mínimo que se pode dicir é
que a xuntanza foi surrealista. Planteousemos un problema anunciado, o
da falta de médicos substitutos, e que ou ofreciamos algunha solución ou
se sorteaban os "paquetes" de días de libre disposición ou se denegaban
os días. Nun intento de traspasar, ou alomenos compartir, a
responsabilidade, pedíase o acordo dos Xefes de Servicio para tomar
algunha destas medidas.
No
debate que seguiu a exposición dos feitos indicouse que habería que
analizar o motivo polo cal os profesionais elixían non traballar para o
Sergas (médicos de familia recen rematados non se incorporan a bolsa de
traballo, médicos que levan anos na bolsa marchan cara a Portugal, ou a
traballar para as Mutuas, aínda gañando menos cartos ó final do ano).
Falouse das penosas condicións de traballo as que aínda están sometidos
os compañeiros vinculados e da lista xeral, que é posible que traballen
máis que nunca, pero tamén é posible que nunca se sentiran tan
utilizados e infravalorados polo sistema como nestes momentos.
Como
estes temas escapaban ao obxectivo da reunión xa que non podían ser
solucionados desde a Xerencia quedamos en que nunha reunión conxunta dos
sindicatos representativos coa Xerencia estableceríanse criterios
asistenciais para facer o reparto dos substitutos, e fixéronse algunhas
propostas que serian estudiadas para ver de aplicalas.
No
caso de non poder garantir o mínimo nivel asistencial poderían denegarse
permisos.
Diante
destes feitos, que son antesala do que pode ocorrer no verán, na
Asociación
Galega d@s Médicos
pensamos que é importante abrir un debate sobre o futuro da Atención
Primaria,
que pasa pola falta de substitutos nuns centros con plantillas
deficitarias,
a
discusión
do novo modelo de urxencias extrahospitalarias que condicionará de xeito
fundamental a nosa forma de traballar,...
etc..
O
xoves, 11/12/2003,
as 6 da tarde no local da CIG
en Vigo,
celebróuse
unha xuntanza da
Asociación
Galega d@s Médicos
para tratar o problema e tomar iniciativas para defender os nosos
dereitos, a nosa dignidade profisional e unha asistencia de calidade.
Dista
xuntanza saíron as seguintes propostas:
Propostas para este Nadal
1.- Ampliación da data tope de solicitude de días de Libre Disposición, até o 15-2-2004.
2.- Xestión das Axendas polos Xefes de Servizo.
3.- Substitución dos médicos de horario de mañá polos da tarde, e viceversa, de xeito voluntario e pagando todo o traballo realizado.
4.- Reparto proporcional dos complementos vinculados ao número de tarxetas dos médicos ausentes entre os que atenden aos seus pacientes.
Propostas para despois do Nadal (o verán do 2004 pode ser caótico se esto non se amaña)
5.- Condicións de traballo dignas para o persoal vinculado e substituto, o que permitirá que volvan moitos profesionais que procuraron traballo fora da Área Sanitaria (Portugal, ...) debido aos actuais contratos basura que o SERGAS lles ofrece:
- contratos estables para o persoal vinculado, con cotización continua a Seguridade Social,
- dereito ás xornadas de descanso correspondentes a xornada de traballo realizado
- cargas de traballo similares ás dos resto dos médicos de AP, para estes compañeiros cando realicen o seu traballo nos centros.
6.- Desenvolvemento do novo modelo de urxencias extrahospitalarias, cos seguintes principios:
- Contratación de persoal especifico estable en réxime estatutario polo SERGAS.
- Cobertura asistencial de urxencias e emerxencias, nos domicilios, nas rúas ou nos centros de urxencias, as 24 horas do día e os 7 días da semana.
- Considerar de especial mérito para as futuras ofertas públicas de emprego en Atención Primaria o traballo no novo modelo de urxencias extrahospitalarias.
7.- Adaptar o número de médicos dos centros ás necesidades dunha AP de calidade, e respectuosa cos seus profesionais e cos pacientes: máximo de 1.200 paciente por Médico de Familia e de 900 por Pediatra.