|
Nota de
CIG-Saúde aos
medios de comunicación:
FIRMADO UN
ACORDO CO SERGAS QUE ELIMINA OS CONTRATOS-LIXO EN ATENCIÓN PRIMARIA
E CREA MÁIS DE 750 POSTOS DE TRABALLO FIXOS
A CIG suscribiu
onte un acordo co Sergas para regular a atención das urxencias
extrahospitalarias, modificando o actual sistema baseado na
realización obrigatoria de gardas e na precariedade da contratación
de persoal por horas. O acordo representa tres logros
fundamentais:
-
a
constitución de 93 PACs como dispositivos específicos
para atender as urxencias extrahospitalarias, dotados de
persoal e prazas tamén específicas para esa función,
que traballarán con carácter xeral a partir das 3 da tarde ata
as 8 da mañán durante a semana e as 24 horas os domingos e
festivos
-
a
eliminación dende abril dos contratos de reforzo (auténticos
contratos-basura por horas, a un precio inferior á hora
ordinaria, sen dereitos laborais) e a súa sustitución por
prazas fixas de médicos e de enfermería de nova creación,
nun número que estará entre as 750 e as 900 nos anos 2005
a 2007
-
a
eliminación das horas extras obrigatorias, xa que as
gardas do persoal médico e de enfermería de primaria
deixarán de ser obrigatorias e pasan a ser voluntarias.
Con este acordo
se culmina máis dun ano de negociación e se consigue unha vella
reivindicación de rematar coa precariedade en atención primaria,
sendo así Galicia a primeira Comunidade Autónoma de todo o sistema
público de saúde que elimina a utilización do contrato de reforzo.
Igualmente,
consolida o dereito dos médicos e da enfermería de primaria a non
realizar excesos de xornada laboral de forma obrigatoria,
aspiración que xa dera lugar a un longo conflicto en primaria no ano
99 e que agora por fín faise realidade.
Ademáis,
erradica definitivamente as propostas máis temidas e máis
contestadas realizadas pola Consellería e polo Sergas neste ano
e medio: primeiro co proxecto de subcontratar as urxencias e o seu
persoal co 061, e despóis coa pretensión de pechar os actuais PACs
(Puntos de Atención Continuada) entre as 3 da tarde e as 10 da noite
e obrigando ao persoal das consultas ordinarias a facerse cargo
tamén de todas as urxencias en horario de tarde. Esta última
proposta motivara a convocatoria de mobilizacións por parte
de CIG-Saúde nos meses de xaneiro e febreiro, ata que foi finalmente
retirada da mesa negociadora.
Este acordo,
suscrito ademáis por todos os sindicatos representados na mesa
negociadora, é un éxito da firmeza das ideas que viñemos
defendendo nestes anos sobre a organización da atención das
urxencias en atención primaria basada na creación de dispositivos e
de persoal específico para esa actividade asistencial, e derroga a
regulación básica que sobre este tema estaba vixente dende o ano 95
(a través do decreto 172/1995, de urxencias extrahospitalarias).
Vigo, a 9 de
marzo de 2005
Asdo/ Xoán Cons
Secretario Xeral
CIG-Saúde
|
