|
O
día 19 de febreiro, reúnese a mesa sectorial para abordar os temas
que afectan a atención ordinaria, relacionados co Plan de Mellora.
Ao
inicio da reunión CIG-Saúde manifesta que é necesario que na reunión
se fale da proposta do Sergas sobre os PACs, para saber se fará unha
nova proposta ou manterá a que presentou, como definitiva e
inamovible, na reunión anterior.
A
administración non quere falar do tema, argumenta que non ten
estudadas as alegacións, e que non falará até a próxima reunión.
Para a nosa sorpresa o resto das organizacións sindicais presentes
na Mesa tamén se negan a falar dos PACs, por que, segundo din, non
toca na orde do día.
CIG-Saúde, ao final da reunión, pregúntalle a RR.HH. se vai facer
unha nova proposta sobre PACs, pero a administración segue negándose
a responder. O resto de Organizacións marcha da reunión.
Os
representantes de CIG-Saúde deciden quedar pechados nas instalacións
do Sergas até ter unha confirmación oficial da convocatoria da
próxima reunión e de que nela se fará unha nova proposta. Tras
varios contactos, se nos fai entrega da convocatoria oficial de nova
reunión, que será o venres 22 de febreiro, e da orde do día, onde
figura que o Sergas dará resposta as alegacións presentadas.
Como a resposta non parece suficiente, se fala co Secretario Xeral
do Sergas, quen garante que o venres se fará unha nova proposta. Con
esta garantía, e esperando que esa nova proposta vaia na liña do
solicitado por CIG-Saúde, as 21:00 horas a representación de
CIG-Saúde sae do Sergas.
Begoña Peiteado, Xan Ramón
Fernández Cid, Lois Méndez,
Xoán Cons, Víctor Vila e
Manuel G. Moreira (autor da foto) |
