|
 
O DOG
do 23 de abril de 2008 publica a Orde pola que se regula o
procedemento de recoñecemento de trienios ao persoal estatutario
temporal do Servizo Galego de Saúde.
Texto da
Orde
O
retraso na publicación da Orde debeuse, segundo explica o Sergas, as
diferenzas coa súa Asesoría Xurídica, motivadas polo diferente
concepto de “Persoal Interino” que definen o Estatuto Básico e o
Estatuto Marco.
Para
o Estatuto Básico o “Persoal Interino” configúrase en
contraposición ao funcionario de carreira, en virtude da natureza
temporal ou non do seu nomeamento. Así o artigo 10 do Estatuto
Básico sinala que os funcionarios interinos son aqueles que
son nomeados, con carácter temporal, para a cobertura de prazas
vacantes en tanto non o sexan por funcionarios de carreira, para a
substitución de titulares e para a execución de programas temporais
ou para acometer o exceso ou acumulación de tarefas.
Para
o Estatuto Marco, “Persoal Interino” so abarca os nomeamentos
de interinidade en praza vacante.
O
concepto de funcionario interino do Estatuto Básico,
coincide cos supostos previstos no ámbito do Estatuto Marco para a
figura do persoal estatutario temporal,
regulada no art. 9 do citado
Estatuto Marco, e que abarca os nomeamentos de interinidade por
vacante, de carácter eventual e os de substitución, reflectindo
deste modo a súa contraposición á figura do persoal estatutario
fixo.
A
Orde que será publicada regula o procedemento para o recoñecemento
dos trienios correspondentes ao persoal estatutario temporal do
Servizo Galego de Saúde (art. 9 Estatuto Marco), tendo en conta,
como sinala o art. 25.2, do Estatuto Básico, que este recoñecemento
unicamente terá efectos retributivos a partir da entrada en vigor
do citado Estatuto Básico.
Esta
interpretación, que permite incluír no recoñecemento de Trienios ao
persoal temporal, independentemente de que ocupase praza vacante ou
non, é a que, dende o principio, defendeu CIG-Saúde.
|
