|
Martes, 1 de febreiro de 2005
Nota
de Prensa emitida polas organizacións que convocan as
concentracións na área de Ferrol
CSIF, CIG, CCOO, SAE, USTG
Os centros de
saúde rexeitan a desaparición dos Puntos de Atención
Continuada, a proposta do Sergas para organizar Urxencias.
No día de hoxe convocáronse concentracións de dez minutos
nos Centros de Saúde da Área de Saúde pola maioría das
organizacións sindicais da Xunta de Persoal (CSIF, CIG, CCOO,
SAE, USTG). O importante seguimento dos médicos de familia e
do persoal de enfermería confirma o rexeitamento por parte
destes aos plans da Consellería de Sanidade.
O Plan desta consiste en facer desaparecer os PAC/Servizos
de Urxencia no horario de tarde e que ese traballo sexa
asumido polas Unidades de Tarde atendendo eses pacientes a
maiores dos que teñen cita normal. Por outra banda, a
Consellería tamén desprazará cupos médicos e de enfermería
para a tarde polo que o turno de mañá tamén terá que atender
máis urxencias e domicilios das Unidades de Tarde, e as
enfermeiras da mañá terán que facer moitas más extraccións
(as dos cupos de tarde). Todos verán sobrecargada a súa xa
chea axenda de traballo. Hai zonas como as consultas de
tarde do PAC de Pontedeume que terán que atender as
urxencias dos municipios de Cabanas e Monfero. Isto é unha
tolería.
Isto vai repercutir gravemente na calidade
asistencial ofrecida xa que os profesionais, ademáis da súa
axenda de cita normal, terán que atender a todas as
urxencias e domicilios (saíndo do centro de saúde) que
xurdan dos outros turnos e, en algún caso, dos municipios
veciños. O tempo de consulta que se pode dedicar a cada
paciente será menor, ao ter que dividilo entre máis persoas
a atender.
O Sergas tamén prevé que os propios profesionais
das Unidades fagan as substitucións de vacacións e baixas
dos seus compañeiros a un prezo raquítico. Iso será outro
factor que agrave a sobrecarga asistencial.
Como vantaxe o Sergas anuncia a creación de
múltiples prazas que non son máis que dar estabilidade a
todos aqueles que na actualidade están traballando na
atención de urxencias. Anuncia como vantaxe o feito de
contratar de modo normal a quen trataba de modo miserable
ata o momento. Anuncia como vantaxe o que debeu facer dende
o principio. De todos modos, os turnos dos profesionais
contratados para urxencias, a partir das 22 horas, son
empobrecedores profesionalmente e manteñen peores condicións
laborais que o resto do persoal.
O Sergas fai todo isto por motivos económicos,
por non querer crear un Servizo de Urxencias normal con
profesionais contratados e formados específicamente para
facer ese traballo.
Todos perdemos con este Plan, tanto profesionais
como cidadáns. Por iso, o seguimento das concentracións nos
centros foi tan importante. Os datos dos turnos da mañá son
os seguintes:
Caranza 100% Narón
90% Fene 75%
Serantes 100% Neda
95% Ares 0%
Fontenla Maristany 50% Valdoviño
100% Mugardos 50%
A Capela 100% Pontedeume
70% Cabanas 75%
Monfero 100% As Pontes
0% Cedeira 90%
Cerdido 75% Somozas
50% San Sadurniño
50%
Moeche 50% Cariño
100% Ortigueira 100%
Mañón 100%
Anúnciase o seguimento das mobilizacións ata facer cambiar
os Plans da Consellería.
CSIF, CIG, CCOO, SAE, USTG
Os datos
de participación na área de A Coruña son:
100%
Arteixo, Cambre, Vimianzo Carballo e
Ventorrillo-Tarde
|
