O NOVO MODELO DE URXENCIAS PROPOSTO POLO SERGAS

	De cara aos usuarios, estes cambios van provocar grandes prexuízos, porque os servizos de Urxencias (PACs) que agora abren ás tres pecharán pola tarde e só funcionarán pola noite (desde as 10) e as urxencias da tarde terán que ser atendidas polos mesmos médicos/as e enfermeiras/os que pasen consulta pola tarde. Estres cambios suporán que o persoal médico e de enfermería teña que abandonar con máis frecuencia a consulta para atender as urxencias que agora atende o PAC.

As mobilizacións continuarán o 10 de febreiro, con concentracións en todos os centros de primaria e en todas as xerencias, e na semana do 14 ao 19 de febreiro convocarase unha manifestación nacional de persoal de primaria en Santiago.

Empeora a atención de urxencia e a ordinaria

A CIG considera que o novo modelo de urxencias proposto polo Sergas empeora a atención da urxencia e a atención ordinaria e reclama a súa modificación substancial. O Sergas quere impoñer un modelo de urxencias baseado en Unidades de Tarde con urxencias, PACs desde as 22 horas, pechando os actuais tramos da tarde e unha total indefinición da organización específica dos 14 PACs con cabeceira en cidades e vilas con hospital.

Ademais, o Sergas propón unhas condicións de traballo nas novas prazas de urxencias insatisfactorias e incertas xa que nacen moitas delas para traballo exclusivo nocturno, que empobrece a perspectiva laboral e profesional. Parten dun trato discriminatorio en xornada e salario respecto do réxime normal do Sergas; nin se recoñece en xornda e salario respecto do réxime normal do Sergas, nin se recoñece a xornada en función do número de noites, nin se recoñece a retribución por penosidade do traballo de noite e de domingos e festivos.

A CIG advirte de que haberá reconversión de prazas de médicos/as e de enfermeiras/os cos cambios de horarios entre os actuais e os futuros PACs. Do mesmo xeito, haberá reconversión de prazas de persoal non sanitario, que non se quere incluír na negociación.

Reforma encuberta

O Sergas propón unha reforma encuberta da atención ordinaria. Poténciase e exténdese a obriga de compartir a atención da consulta e da urxencia, empeorando así a programación e o tempo de consulta ao persoal das Unidades e Tarde, ao persoal das Unidades con horario deslizante e por efecto rebote, ao persoal das Unidades de mañán. Implántase ademais un sistema de intersubstitución (ou sexa, de acumulación de cupo) obrigatorio e mal pagado, que potencia a non contratación e incentiva a sobrecarga.

Para a CIG o Sergas non respectou e segue incumprindo o anterior acordo do 99 polo que debían rematar as gardas obrigatorias o pasado 30 de novembro e propón un novo período transitorio de 3 anos sobre o que non aporta garantías de cumprimento.

Servizo público

De cara aos usuarios, estes cambios van provocar grandes prexuízos, porque os servizos de Urxencias (PACs) que agora abren ás tres pecharán pola tarde e só funcionarán pola noite (desde as 10) e as urxencias da tarde terán que ser atendidas polos mesmos médicos/as e enfermeiras/os que pasen consulta pola tarde. Estres cambios suporán que o persoal médico e de enfermería teña que abandonar con máis frecuencia a consulta para atender as urxencias que agora atende o PAC.

As horas das citas pedidas para a consulta non terán ningún valor, porque terán que esperar o tempo que faga falta para atender ás urxencias que se presenten (mesmo fóra do centro de saúde). O tempo de consulta que se pode adicar a cada doente será menor, ao ter que dividilo entre máis persoas a atender e o número de urxencias para ver pola mañá tamén vai aumentar ao non dispor os doentes de servizos de urxencias pola tarde.