ESTIMADOS COMPAÑEIROS:
Somos os médicos/as e enfermeiros/as que estamos a traballar para o SERGAS con "contratos lixo".
Nos coñecedes porque traballamos xunto a vós nos vosos Centros de Saúde e Servicios de Urxencias, pero con condicións laborais moi diferentes as vosas.
Realizamos "acumulación de tarefas", horas de atención continuada interminábeis sen libranza de garda e temos que pasar consulta ao día seguinte, todo iso agravado en determinadas épocas (vacacións de verán, Nadal....)
O noso tipo de contratación é irregular como xa volo comentamos en tantas ocasións.
Só pedimos:
Dignidade
profesional.
Estabilidade
no emprego.
Dereitos
laborais mínimos
contemplados no Estatuto dos Traballadores, independentemente do modelo
sanitario que decida a Administración, que é quen ten a
RESPONSABILIDADE
de facelo.
A situación chegou a un punto que é insostíbel.
Estamos obrigados moralmente a acabar con isto
e para iso necesitamos o voso apoio
AGORA